Расман Осиё Кубоги мусобақасида биринчи марта иштирок этаётган қўшниларимиз Қирғизистон терма жамоаси нимчорак финал йўлланмасини қўлга киритди.
Мураббий Александр Крестинин қўл остидаги қирғизистонликлар “C” гуруҳида 3-ўринни эгаллашди.
Маълумки, Бирлашган Араб Амирликлари мамлакатида бўлиб ўтаётган Осиё чемпионатида илк марта 24 та жамоа иштирок этмоқда.
Мусобақа регламентига кўра, 6 та гуруҳда энг яхши кўрсаткичга эга 4 нафар 3-ўрин эгалари нимчорак финал йўлланмасини қўлга киритишади.
Лимитдан биринчилардан бўлиб “А” гуруҳидаги Баҳрайн ва “C” гуруҳидан бугун Қирғизистон терма жамоаси фойдалана олди.
Қирғизистонликларнинг кейинги босқичдаги рақиби БАА терма жамоаси бўлиши мумкин. Бу расман қайси гуруҳдан қайси жамоалар чиқиши тақсимотига қараб, маълум бўлади.
Эслатиб ўтамиз, Қирғизистон бугун Филиппин терма жамоасини 3:1 ҳисобида мағлубиятга учратди.
