Rasman Osiyo Kubogi musobaqasida birinchi marta ishtirok etayotgan qo‘shnilarimiz Qirg‘iziston terma jamoasi nimchorak final yo‘llanmasini qo‘lga kiritdi.

Murabbiy Aleksandr Krestinin qo‘l ostidagi qirg‘izistonliklar “C” guruhida 3-o‘rinni egallashdi.

Ma’lumki, Birlashgan Arab Amirliklari mamlakatida bo‘lib o‘tayotgan Osiyo chempionatida ilk marta 24 ta jamoa ishtirok etmoqda.

Musobaqa reglamentiga ko‘ra, 6 ta guruhda eng yaxshi ko‘rsatkichga ega 4 nafar 3-o‘rin egalari nimchorak final yo‘llanmasini qo‘lga kiritishadi.

Limitdan birinchilardan bo‘lib “A” guruhidagi Bahrayn va “C” guruhidan bugun Qirg‘iziston terma jamoasi foydalana oldi.

Qirg‘izistonliklarning keyingi bosqichdagi raqibi BAA terma jamoasi bo‘lishi mumkin. Bu rasman qaysi guruhdan qaysi jamoalar chiqishi taqsimotiga qarab, ma’lum bo‘ladi.

Eslatib o‘tamiz, Qirg‘iziston bugun Filippin terma jamoasini 3:1 hisobida mag‘lubiyatga uchratdi.