ПСЖ Франция чемпионатининг 20-турида "Ренн" клубини 4:1 ҳисобида мағлубиятга учратди.
Шу тариқа, парижликлар клуби Биринчи дивизионнинг ушбу мавсумида урган голлари сонини 66тага етказиб қўйди. Opta`нинг ёзишича, ҳозирга қадар чемпионат тарихида ҳали ҳеч қайси клуб дастлабки 20та тур ичида бундан кўп гол ура олмаган.
Хусусан, 1959/60 йиллар мавсумида Парижнинг "Расинг" клуби ҳам 20 ўйинда 66 марта рақиб дарвозасини ишғол этган. Якунда бу жамоа мавсум охирига қадар 118та гол уриб, 3-ўрин билан кифояланган.
Маълумот учун, ПСЖ урган 66та голнинг 45таси уч ҳужумчига тегишли: Килиан Мбаппе 18та, Эдинсон Кавани 14та, Неймар 13та гол муаллифи бўлган.
