Златан Ибраҳимовичнинг трансфери учун «Барселона» 70 миллион сарфлаган эди. Оқибатда, футболчи Месси билан чиқиша олмади ва 24 миллион эвазига «Милан»га ўтиб кетди. Футбол оламида тез-тез учраб турадиган бундай трансферлар ҳақида қисқача.
Жо
Москванинг «ССКА» жамоаси сафидаги ажойиб ўйинлари эвазига анча-мунча «совчилар»
орттирган бразилиялик ҳужумчини «Ман Сити» ўша давр учун рекорд сумма ҳисобланган 24 миллион еврога ҳарид қилади. Унинг сермаҳсулигига умид қилган Шайх Мансурнинг пуллари ҳавога учиб кетади. Сабаби, Жо 4 мавсум давомида атиги бир бор дарвозани ишғол қилишнинг уддасидан чиқади. Ҳозирги кунларимизга қадар бу трансфер клуб тарихидаги энг омадсизи дея ҳисобланади.
Гаизка Мендиета
«Валенсия» клуби сафидаги фантастик ўйинларидан сўнг, футболчи учун қаттиқ кураш бошланиб кетди. Ўша даврларда «А Серия» клублари гегемонлик қиларди. Футболчи учун курашда ҳам Римнинг «Лацио» клуби ғолиб чиқади. Ўша даврлар учун шунчаки дахшатли сумма - 48 миллион евро эвазига футболчини ҳарид қилган «Бургутлар» ўз тарихидаги энг омадсиз трансферни амалга оширишади. Мендиета клуб учун атиги 20 та ўйинда майдонга тушади ва бир нечтагина голлар уради. Кейинчалик, «Лацио» мухлисларнинг норозилиги эвазига уни 2 миллионга сотиб юборади.
Фернандо Торрес
Роман Абрамович томонидан ҳарид қилинган Испаниялик ҳужумчи «Челси»нинг энг омадсиз ҳариди сифатида тарихда қолиши аниқ. У учун тўланган 59 миллион евро увол кетди. Футболчи ўз имкониятларининг 10 дан бирини ҳам намоён эта олмади. Ўша даврларда лондонликлар савияли ҳужумчига жуда муҳтож эдилар. Шу сабаб, катта умидлар билан ҳарид қилинган Фернандо ишончни оқлай олмади…
КАКА
«Олтин тўп» соврини эгаси, Жаҳон чемпиони, ЭЧЛ ғолиби, Клублар ўртасида жаҳон чемпони, бир неча бор «Скудетто» совриндори… Футбол ортидан шунча ютуқларга эга бўлишга улгурган КАКА «Милан»дан «Реал Мадрид» сафига ўтгач, ўз соясида қолиб кетди. Унинг фантастик рейдлари, ажойиб жарима зарбалари ҳамма-ҳаммаси қаергадир йўқолиб қолгандай… Кака қанчалик уринмасин, жамоада ўз ўрнини топа олмади ва 65 миллион евронинг ярмини ҳам оқлай олмади… Кейинчалик эса, «Милан»га бепул ўтади, аммо у ерда ҳам ҳеч нарса қила олмайди.
Энди Кэрролл
Хали тўлиқ юлдузга айланмаган йигитчанинг трансфери учун «Ливерпуль» қўрқмасдан 44 миллион сарфлайди. Афсуски, Кэррол 50 та учрашувда атиги 8 бор дарвозани ишғол қиладу. Бу Траснфер ортидан «қизиллар» Фернандо Торреснинг ўрнини тўлдирмоқчи эдилар ,аммо бу режа амалга ошмади.
Юқорида келтирилган футболчилар футбол оламида анча машҳур бўлишгани сабабли ҳарид қилинган. Кэррол эса деярли ўртача савиядаги футболчи эди ва шундайигича қолиб кетди.
