“Бавария” дарвозабони Мануэль Нойер “Ливерпуль”га қарши ўйинда юбилейини нишонлади.
32 ёшли футболчи еврокубокларда ўзининг 100-ўйинини ўтказди. Шу тариқа, Нойер бундай натижа кўрсатган тўрттинчи германиялик футболчига айланди.
Унгача юзлик довонни, Филипп Лам (112), Томас Мюллер (105) ва Оливер Кан (103) забт этган.
Шу билан биргаликда, “Бавария” посбони ЕЧЛ тарихида юзта ўйин ўтказган олтинчи дарвозабон бўлди.
Аввалроқ бу кўрсаткични Оливер Кан (103), Виктор Вальдес (106), Петр Чех (111), Жанлуижи Буффон 122) ва Икер Касильяс (175) қайд этишган.
