Осиё чемпионлар лигасининг 3-турида "Пахтакор" ўз майдонида Қатарнинг "Ас-Садд" клубини қабул қилиб, 2:2 ҳисобидаги дурангга имзо чекди. Мазкур 1 очко туфайли тошкентликлар ҳисобидаги очколар сони 5тага етди.
"D" гуруҳидан ўрин олган яна бир баҳсда "Персеполис" ўз майдонида Жидданинг "Ал-Аҳли" клуби устидан 2:0 ҳисобида устун келди. Бу эронликларнинг гуруҳдаги дастлабки ғалабаси бўлди. Натижада улар 4 очко билан жадвалда 2-ўринга кўтарлиб олишди.
"Ас-Садд" 4 очко билан учинчи, "Ал-Аҳли" эса 3 очко билан сўнгги ўринни эгаллаб туришибди.
| № | Жамоа | Ўйин | Ғалаба | Дуранг | Мағ-т | Т-Н | Очко |
|---|---|---|---|---|---|---|---|
| 1 | Пахтакор | 3 | 1 | 2 | 0 | 4-3 | 5 |
| 2 | Персеполис | 3 | 1 | 1 | 1 | 3-2 | 4 |
| 3 | Ас-Садд | 3 | 1 | 1 | 1 | 3-4 | 4 |
| 4 | Ал-Аҳли (СА) | 3 | 1 | 0 | 2 | 2-3 | 3 |
