Футболда ғалаба ва мағлубиятлар доимо ёнма-ён бўлиши ҳеч кимга сир эмас. Футболнинг асл жозибаси ҳам шундадир балки. Шунга қарамасдан айрим мағлубиятлар борки, ёдингизга  тушганида кўнглингиз бироз ҳижил бўлади. Бугун ана шундай мағлубиятлар ҳақида қисқача

«Сток Сити» 6 : 1 «Ливерпул»

2015-йилда бўлиб ўтган учрашувда Бренден Рожерс бошчилигидаги «Ливерпул» яққол фоворит саналган бўлсада, жуда йирик ҳисобда мағлубиятга учрагани кўплаб мутахассисларни ҳайратда қолдирган эди. Энг қизиғИ шундаки, айнан ўша учрашув Стивен Жеррард учун «қизиллар» сафидаги сўнггиси эди. Ҳисоб йириклашиб кетганида «Сток Сити» футболчилари Стивга гол уриш учун имконият яратиб бергани тахсинга сазовор. «Ливерпул» ўз тарихидаги энг кучли футболчиларидан бирини ҳоккейда ҳам кам учрайдиган йирик мағлубият билан кузатиб қўйгани кўплаб мухлисларнинг норозилигига сабаб бўлган эди.

Германия 1 : 5 Англия

Бу терма жамоалар деярли бир асрдан бери принципал рақиблар саналишади. 2002- йилда қитъамизда бўлиб ўтган мундиал учун саралашда тўқнаш келган грандлар гуруҳдаги биринчи ўрин учун аёвсиз кураш олиб боришган эди. Саралаш якунига 2 тур қолган, Германия гуруҳда етакчилик қилар, бир қарашда биринчи ўринни нақд қилгандек ҳис уйғотарди одамда, аммо инглизлар ҳаммасини чиппакка чиқаришади. Мюнхенда бўлган учрашувда тезкор гол уриб ҳисобда олдинга чиқиб олган «немис машинаси» ғалабани чўнтакда деб ҳисоблай бошладими ёки бошқа сабабми  ўз дарвозасидан нақд 5 та гол  олиб чиқишга мажбур бўлади. Ушбу мағлубиятдан сўнг немислар ЖЧга тўғридан-тўғри бориш ҳуқуқини йўқотишади ва ўтиш учрашувлари орқали мундиалга йўл олишади. Кейинчалик,Германия ОАВ Англиядан қабул қилиб олинган йирик ҳисобдаги мағлубиятни немис футболи тарихидаги энг шармандали ва  аламли мағлубият дея эътироф этишган эди. Дарҳақиқат, Германия терма жамоасининг ўз уйида бундай йирик ҳисобда аввал ҳам енгилганини ҳеч ким эслай олмаса керак.

“Манчестер Юнайтед 8 : 2 «Арсенал»

АПЛ ўзининг шиддатли ва муросасиз баҳслари билан миллионлаб мухлислар эътибор марказида туриши ҳеч кимга сир эмас. Шундай бўлсада, 2010-2011-йилги мавсумда бўлиб ўтган «Манчестер Юнайтед» ва «Арсенал» клублари тўқнашуви АПЛ га ҳос бўлмаган натижа билан якунланган эди. Икки азалий рақиб тўқнашуви кутилмаганда «Қизил иблисларнинг» 8 : 2 ҳисобидаги ғалабаси билан якунланган эди. Айнан ўша мағлубият Арсен Венгернинг курсисини қаттиқ силкитиб юборган,  Венгернинг даври тугаганини билдирувчи қўнғироқ эса баланд овозда бутун дунёга янграган эди.

Бразилия 1 : 7 Германия

2014-йилдаги мундиал деганда кўпчилкнинг ҳаёлига айнан шу учрашув келиши аниқ. «Пента кампион»ларнинг ярим финалда Германиядан қабул қилиб олган мағлубияти мезбонлар учун  «мильлат фожеаси»га айланиб кетган эди.  Аламли мағлубиятдан сўнг футбол қироли Пеле: «Бразилия футболи ҳали ҳеч қачон бу қадар ожиз қолмаган.»,-деган эди. 3-ўрин учун бўлган баҳсда ҳам енгилган «салесао» футболчилари ва бутун Бразилия оғир аҳволга тушиб қолади… Тўғри, 2016-йилдаги Олимпияда ғолиблиги мухлисларни бироз руҳлантирди, аммо Германияга бой берилган учрашув ёмон тушдек одамлар хотираласида  абадий қолажак.