Кеча Испания чемпионати 35-тур доирасидан ўрин олган учрашувда “Барселона” ўз уйида “Леванте”ни қабул қилди. Қўлга киритилган ушбу ғалабадан сўнг “Барселона” навбатдаги чемпионликни тантана қилди.
“Кўк-анорранглилар” клуби ҳужумчиси Лионель Месси “Барселона” тарихида 10 маротаба Ла лига чемпионлигини қўлга киритган биринчи футболчига айланди.
Эслатиб ўтамиз, Мадриднинг “Реал” клуби собиқ футболчиси Франсиско Хенто Ла лига тарихида энг кўп чемпионликни қўлга киритган футболчи ҳисобланади.
Хенто 12 маротаба Ла лила бош совринини боши узра кўтаришга муваффақ бўлган.
