Суперлига 8-турида Самарқанднинг “Динамо” клуби ўз майдонида АГМК устидан 1:0 ҳисобида зафар қучди. Мазкур баҳсдан сўнг самарқандликлар ҳимоячиси Миркомил Локаев учрашув ҳақидаги фикрларини билдириб ўтди.
“АГМКга қарши бизни қийин ўйин кутиб турганини билган эди. Сабаби уларда тажрибали футболчилар йиғилган. Кутилганидек ўйин қийин бўлди. Биз кўпроқ прессинг қилдик ва қарши ҳужумларда яхши ўйнадик. Кеча яна кўп гол уришимиз ҳам мумкин эди.
Кечаги учрашувда таркиб жихатдан рақибга нисбатан кучсиз эдик. Аммо жамоавий ўйин эвазига уларни мағлуб этдик. “Динамо”да бир оила йиғилган. Жамоанинг мақсади юқори ўйринларни эгаллаш ва мухлислар боп футбол намойиш қилиш.
Навбатдаги турда “Бухоро” билан ўйнаймиз. Суперлигада кучсиз жамоанинг ўзи йўқ. Ҳар бир ўйин қийин ва қизиқарли ўтяпти. Биз Бухорога фақат ғалаба учун борамиз”, -дейди Лоқаев Stadion.uz мухбири Жалолиддин Қобилжонов билан бўлган суҳбатда.
