Superliga 8-turida Samarqandning “Dinamo” klubi o‘z maydonida AGMK ustidan 1:0 hisobida zafar quchdi. Mazkur bahsdan so‘ng samarqandliklar himoyachisi Mirkomil Lokayev uchrashuv haqidagi fikrlarini bildirib o‘tdi.
“AGMKga qarshi bizni qiyin o‘yin kutib turganini bilgan edi. Sababi ularda tajribali futbolchilar yig‘ilgan. Kutilganidek o‘yin qiyin bo‘ldi. Biz ko‘proq pressing qildik va qarshi hujumlarda yaxshi o‘ynadik. Kecha yana ko‘p gol urishimiz ham mumkin edi.
Kechagi uchrashuvda tarkib jixatdan raqibga nisbatan kuchsiz edik. Ammo jamoaviy o‘yin evaziga ularni mag‘lub etdik. “Dinamo”da bir oila yig‘ilgan. Jamoaning maqsadi yuqori o‘yrinlarni egallash va muxlislar bop futbol namoyish qilish.
Navbatdagi turda “Buxoro” bilan o‘ynaymiz. Superligada kuchsiz jamoaning o‘zi yo‘q. Har bir o‘yin qiyin va qiziqarli o‘tyapti. Biz Buxoroga faqat g‘alaba uchun boramiz”, -deydi Loqayev Stadion.uz muxbiri Jaloliddin Qobiljonov bilan bo‘lgan suhbatda.
