“Интер” клуби афсонаси ҳамда Италия терма жамоаси собиқ футболчиси Кристиан Вьери “Ювентус”даги дастлабки мавсумдан кейин Криштиану Роналдуга муносиб баҳо бера олмаслигини айтди.   “Чемпионлар лигасида 120 дан ортиқ ва, умуман 600 дан зиёд гол урган ҳамда 5 марта Чемпионлар Лигаси кубогини қўлга киритган инсонга қандай баҳо бера оламан?   Криштиану А Серияни танлагани учун барча италиялик футболни севувчилар унга миннатдорчилик билдириши керак. Бугун Роналду туфайли бутун дунё бизни кузатяпти. У бизнинг имижимизни оширмоқда.   Мен сизга бир нарсани айтаман: Роналду ва Месси футболдан кетгандан сўнг, телевизоримни деразадан улоқтираман. Кейин эса кинотеатрга бораман”, - деган Вьери La Gazzetta dello Sport нашрига берган интервьюсида.   Маълумот ўрнида, Кристиан Вьери аср бошида “Лацио”дан “Интер” сафига 48,5 млн. евро эвазига ўтиб, Италия трансферлари бозорида янги аср эволюциясини бошлаб берган футболчи саналади.