17 май санасида «Реал Мадрид» клуби раҳбарлари ва мураббийлар ўртасида катта мажлис бўлиб ўтди. Унда раҳбарият янги мавсум олдида 300 миллион еврони трансферлар учун ажратди. Ёзги трансфер ойнаси очилиш арафасида тургани сабабли «Реал Мадрид» кейинги мавсумда ўз таркибини яхшигина кучайтириб олиши мумкин.

Жамоа трансфер ойнаси очилиши билан Эден Азарнинг трнасферини эълон қилади ва клуб учун бу трансфер 115 миллион еврога айланиши кутилмоқда. Матбуот анжуманидан сўнг жамоа мураббийси Зидан журналистларнинг саволларига жавоб бериб ўтди.

“Бу мавсум биз учун энг ёмонларидан бири бўлди десак, адашмаган бўламиз. Тўғри, таркибимизнинг руҳан ва жисмонан ёши ўтиб қолди. Бу одатий ҳол. Ҳар қандай топ-клуб ҳам 5 йилда таркибни кучайтириб бориши шарт. «Реал Мадрид»нинг навбати келди деб ҳисоблайман. Раҳбарият билан музокараларимиз ижобий якунланди. Унга кўра трансфер ойнаси очилиши билан бизни бир нечта футболчилар тарк этишади. Улар ҳақида ОАВ тинмай ёзишмоқда ва ёзилганларнинг 90% ҳақиқат.

Келажак режаларига тўхталиб ўтсам. Биз Азарнинг агенти ва унинг ўзи билан тинмай алоқада бўлиб турибмиз ва тез орада уни ўз клубимизга қўшиб оламиз.  Погба борасида бирон нарса дея олмайман. У тушунарсиз йигит ва у нима хоҳлаётганини ўзи ҳам билмаяпти. Погбанинг «Реал Мадрид»га ўтиши тўғрисида бирон нарса дея олмайман, сабаби у тинимсиз шартлар қўймоқда ва музокараларни пайсалга солишда давом этмоқда. Агарда жараён шундай давом этадиган бўлса, биз уни харид қилиш фикридан воз кечамиз ва марказни кучайтиришнинг бошқа йўлини қидиришга тушамиз.

Биз Роналдунинг агенти Жорже Мендеш  билан бир неча бор кўришдик ва ўзаро суҳбатлашдик. Мен Роналду билан ҳам кўришдим. Уни ортга қайтишга кўндиргандек бўлдим, бироқ ҳали бу ҳақида расман эълон қила олмайман. Шуни ишонч билан айтишим мумкинки, «Реал Мадрид» кейинги мавсумда қудратли куч бўлиб ортга қайтади ва тўлиқ куч билан фақат ва фақат чемпионлик учун кураш олиб боради", — дея Зиданнинг сўзларидан иқтибос келтирди Испаниянинг «Marca» нашри.