Хабарингиз бор, бугун Наманган шаҳридаги "Навбаҳор" стадионида "Навбаҳор" ҳамда "Андижон" жамоалари "Coca Cola" Суперлигасининг 10-тур доирасидаги ўзаро баҳс олиб боришади.
"Водий дербиси" мақоми остида ўтадиган учрашув қизиқарли ва кескин курашларга бой бўлиши кутилмоқда.
Суперлига баҳсларини тўғридан-тўғри эфирга узатиб келаётган "Спорт" телеканали "Навбаҳор"-"Андижон" жамоалари ўртасидаги баҳсни эртага ёзиб олинган ҳолда эфирга узатадиган бўлди.
Сабаби, учрашув аввалига соат 20:00га белгиланганди ва "Спорт" ТВ 20:00да ўйинни тўғридан-тўғри олиб беришни режалаштирганди. Бироқ, учрашув 18:50га кўчирилгач, "Спорт" ТВ ўз дастурларига ўзгартириш киритмади.
Шу сабабли, "Водий дербиси" тўғридан-тўғри эфирга узатилмайдиган бўлди.
