«Барселона» ҳужумчиси Лионель Мессининг айтишича, унинг иккинчи ўғли Матео «Реал»га мухлислик қилади. Сентябрь ойида у 4 ёшга тўлади.

«Тиаго (Мессининг 6 ёшли катта фарзанди) отаси иштирокидаги ўйинларни ўтказиб юбормайди. Матео ҳам футболни яхши кўради, у кўп клублар футболкасини кийиб юради.

Уйда биргаликда футбол ўйнаганимизда, у менга айтдики: «Мен «Ливерпуль» томондаман. Улар сизни ютишди» (Чемпионлар лигаси ярим финалида). У шунга ўхшаш ишни «Валенсия»га қарши ўйиндан кейин ҳам қилди: «Валенсия» сизни мағлуб этди, мен «Валенсия» томондаман».

Телевизор кўриб ўтирганимизда, у акасини жаҳлини чиқариш учун «Реал»нинг голларига хурсанд бўлади. У «Реал» мухлиси», – деди Месси.