“Реал” ярим ҳимоячиси Винисиус ПСЖ ҳужумчиси Килиан Мбаппенинг “қироллик клуби”га ўтиши борасида фикр билдириб ўтди.

“Биламан, “Реал” мухлислари Мбаппени орзу қилишади. Нафақат бизнинг мухлислар, балки бошқа жамоа ишқибозлари ҳам.

Ўйлашимча, у яқин вақт ичида Ла Лигага келади. У билан кўплаб совринлар ютишимизга ишонаман.

Биз бир-биримизни таниймиз, лекин фақатгина инстаграм орқали гаплашганмиз. Мен уни хурмат қиламан, у ҳозирданоқ жуда кўп соврин ютган. Агар Килиан “Реал”га ўтса яхши бўлар эди”, - дейди Винисиус.