Халқаро чемпионлар кубоги мусобақаси доирасида "Реал" ва "Арсенал" клублари тўқнаш келишди.

Учрашувнинг бошидаёқ мадридликлар ўнг қанот ҳимоячиси Начо иккита қўпол хатога йўл қўйди ва иккита сариқ карточка оқибатида майдонни тарк этди. Дастлаб Ляказетт пенальтидан самарали фойдаланган бўлса, орадан кўп ўтмасдан Обамеянг яккама-якка вазиятда дарвозани ишғол қилди.

Бўлим тугамасидан "қовун тушириш" навбати "Арсенал" ҳимоячиси Папастатопулосга келди. У икки дақиқа ичида иккита "сариқ" олиб, майдонда сон жиҳатда жамоаларни "тенглаштириб" қўйди.

Иккинчи бўлим бошида эса Зидан шогирдлари иккита чиройли ҳужум ташкил қилишди ва рақиб дарвозасини икки марта ишғол қилишди. Дастлабки голни Бэйл, иккинчисини эса Асенсио ўз ҳисобига ёзди.

"Арсенал" ғалабани илиб кетиши ҳам мумкин эди, аммо ўйиннинг сўнгги дақиқаларида "канонирлар"нинг ёш футболчиси иккита қулай имкониятдан фойдалана олмади.

Регламентга кўра, дуранг билан якунланган ўйиндан сўнг пенальтилар серияси амалга оширилди. Ўйин сўнгида асосан ёш футболчилар билан майдонда қолган лондонликлар "лотерея"да имкониятни бой беришди.

International Champions Cup.
Реал Мадрид Испания – Арсенал Англия 2:2 (0:2, 2:0, 0:0, 0:0), пенальти серияси - 3:2
Голлар: 0:1 – 10, пенальти Ляказетт, 0:2 – 24 Обамеянг, 1:2 – 56 Бэйл, 2:2 – 59 Асенсио.
Реал Мадрид – Навас (Куртуа, 46), Начо, Рамос (Адри, 65), Карвахаль (Одриосола, 46), Менди (Марсело, 46), Васкес (Иско, 46), Кроос (Фидальго, 65), Модрич (Сеоане, 65), Азар (Бэйл, 46), Бензема (Асенсио, 46; Винисиус Жуниор, 65), Йович (Варан, 16).
Арсенал – Мартинес, Чемберс, Папастатопулос, Колашинац, Женкинсон, Ўзил (Сака, 74), Мхитарян (Нелсон, 75), Жака, Уиллок (Монреаль, 46), Обамеянг (Burton, 75), Ляказетт (Нкетиа, 74).
Огоҳлантиришлар: Начо (5), Карвахаль (26), Папастатопулос (38).
Четлатишлар: Начо (9), Папастатопулос (40).