“Coca Cola” Суперлигасининг 15-тур доирасида Александр Хомяков бошчилигидаги “Андижон” жамоаси Миржалол Қосимов бошчилигидаги АГМК жамоасига қарши сафарга майдонга чиқади.

Қуйида ушбу жамоаларнинг ўзаро ўтказилган учрашувлари тарихига назар ташлаймиз.

«Андижон» ҳамда “АГМК” жамоалари шу кунгача ўзаро 17 маротаба баҳс олиб боришган.

Ўтказилган учрашувларнинг 4тасида “Андижон” ғолиб чиққан бўлса, 10 та учрашувда АГМКнинг қўли баланд келган. 3 та учрашувда жамоалар муроса кўчасини танлашган.

Жами бўлиб дарвозаларга 31 марта тўп киритилган. Киритилган голларнинг 10 таси “Андижон” фойдасига, қолган 21 таси эса АГМК фойдасига ёзилган.