30 июль куни Cocа-cola Суперлигаси 15-турига старт берилади.

“Аждарлар” Cocа-cola Суперлигаси 15-турида Бекободнинг “Металлург” жамоасини қабул қилади.

“Насаф” – “Металлург” учрашуви 31 июль чоршанба куни Қарши “Марказий” ўйингоҳида бўлиб ўтади. Учрашув соат 20:00да бошланади.

Ўзаро учрашувлар тарихидан

Мазкур клублар Ўзбекистон чемпионатида шу кунгача 43 бор куч синашишган. Натижалар жамоамизнинг устунлигини кўрсатмоқда. Бўлиб ўтган 27 учрашувда “Насаф”, 10 ўйинда эса “Металлург” ғалабага эришган. 10 учрашувда томонлар муроса кўчасини танлашган.
Тўплар нисбати 73:34 га тенг. Устунлик “Насаф” тарафида.
Ўзаро учрашувларда қайд этилган энг юқори ҳисоблар қуйидагича: “Насаф” – “Металлург” 7:0, “Металлург” – “Насаф” 3:0.
Жамоамиз сўнгги ўзаро учрашувни шу йилнинг 23 июнь куни Бекободда ўтказган. Бу учрашув 0:1 ҳисобида якунланган.

Қаршидаги ўзаро баҳсларга оид

Ушбу жамоалар шу пайтгача Қаршида 21 бор куч синашишган. 18 учрашувда жамоамиз ғалаба қозонган. 2 учрашувда дуранг қайд этилган ва 1 бир учрашувда меҳмонларнлар ғалаба қозонишган. Дарвозаларга жами 63та тўп киритилган. Тўплар нисбати 51:12.

Эътиборингизга, Қаршида бўлиб ўтган сўнгги беш учрашувнинг натижаларини ҳавола қиламиз.

30.03.2018 Насаф – Металлург 1:1
04.11.2017 Насаф – Металлург 2:0
30.09.2016 Насаф – Металлург 3:0
15.05.2015 Насаф – Металлург 0:1
27.04.2014 Насаф – Металлург 0:0