«Барселона» ярим ҳимоячиси Филиппе Коутиньо жамоада қолишга қарор қилди. Бу ҳақда Mundo Deportivo хабар тарқатди.
Манбага кўра, 27 ёшли футболчи каталонияликлар сафида асосий таркиб учун курашишга қарор қилди. Шу билан бирга, бразилиялик футболчи ижара асосида бошқа жамоага ўтишдан қатъий бош тортмоқда.
Коутиньонинг «Барса» билан шартномаси 2023 йилга қадар тузилган. Ўтган мавсумда у барча мусобақалар доирасида 54та ўйинда майдонга тушиб, 11та гол урди ва 5та голга узатма берди.