«Barselona» yarim himoyachisi Filippe Koutinyo jamoada qolishga qaror qildi. Bu haqda Mundo Deportivo xabar tarqatdi.
Manbaga ko‘ra, 27 yoshli futbolchi kataloniyaliklar safida asosiy tarkib uchun kurashishga qaror qildi. Shu bilan birga, braziliyalik futbolchi ijara asosida boshqa jamoaga o‘tishdan qat’iy bosh tortmoqda.
Koutinyoning «Barsa» bilan shartnomasi 2023 yilga qadar tuzilgan. O‘tgan mavsumda u barcha musobaqalar doirasida 54ta o‘yinda maydonga tushib, 11ta gol urdi va 5ta golga uzatma berdi.