Куни кеча Бразилия терма жамоаси сардори ва «ПСЖ» клуби футболчиси Неймар «А C» нашрига интервью берди ва ўз кежакаги ҳақида тўхталиб ўтди. Футболчи томонидан билидирлган фикрларни эса, сиз азизлар учун таржима қилдик

Неймар

Мен сўнгги пайтларда кўп жароҳат оляпман. Энг ачинарлиси шундаки, бу жароҳатлар доиммо ҳал қилувчи ўйинлардан аввал юзага келмоқда. Ўз юртимизда бўлган мундиалдаги жароҳатим сабабли ўзимдан кўнглим тўлмаган бўлса, яқинда ўз якунига етган «Копа Америка» мусобақасида яна бир бор жароҳатим сабабли четда қолиб кетдим.

Ўтган мавсумдаги ЕЧЛдан чиқиб кетганимиз ҳақида гапирсам ҳам бўлади. Тўғриси, бундай аламли жароҳатлардан сўнг ўзим билан узоқ сўзлашиб ўтиришимга тўғри келмоқда. Афсуски, ҳаётнинг бундай зарбаларидан сўнг инсон ўзига келиши бироз қийинроқ бўлади.
Кўпчилик менинг ўйинларимда пасайиш кузатилгани ҳақида гапирмоқда. Мен бу сўзларга сира қўшилмаган бўлар эдим. Сўзларимга статистика исбот бўла олади. Мен аввалги даврлардаги каби голлар киритяпман ва жамоадошларимни тўп билан таъминламоқдаман.

Мендан Месси ҳақида сўрашганида, юрагимнинг тубидан соғинч ҳиссини туяман. Яна айтаман, «Барселона» мен учун жуда қадри ва доиммо шундай бўлиб қолади. Каталониядаги илк ўйинларим чоғида қийинчиликларга учраганимда, дунёнинг энг яхши футболчиси олдимга келиб кўнглим кўтарган ва келажакда ҳаммаси ўз измига тушиб кетишини айтиб руҳлантирган эди. Кейинчалик биз қалин дўстларга айландик.

Луис, Лео ва мен ажойиб учликни ҳосил қилган эдик. Тўғриси ўша даврларда имо – ишора орқали бир – биримизни тушуниб олар, рақиб ҳимоячиларнинг энг ёмон кўрган инсонларига айланган эдик. Эсимда, Месси олдимга келиб, унга қандай ёрдам керак бўлса, беришга тайёр эканлигини, мендаги барча муоммолар вақт ўтгани сайин бартараф бўлиши айтиб кўнглимни тоғдек кўтарган эди.  Қисқача қилиб айтганда мен учун «Барселона» оддий клуб эмас, у ҳамжиҳат оиладек бир гап!