Профессионал бокснинг супер ўрта (76,2 кг) вазн тоифасида рингга чиқаётган Бектемир Мелиқўзиев (1-0, 1 КО) 30 август куни ўзининг иккинчи жангини ўтказиши ҳақида хабар бериб ўтгандик.
Маълумотларга кўра, Мелиқўзиев шу куни мексикалик Рикардо Адриан Луна Флоресга (22-6-1, 14 КО) рингга кўтарилади. Мазкур тўқнашув Калифорния штатининг Пасадена шаҳрида бўлиб ўтадиган бокс кечасида ташкиллаштирилади. Жанг олти раунддан иборат бўлиши режалаштирилмоқда.
Эслатиб ўтамиз, Мелиқўзиев 13 июнь куни Ҳолливудда бўлиб ўтган бокс кечасида проф-боксдаги дебют жангини ўтказган ва унда аргентиналик Мартин Фидел Риосга (23-20-4, 13 КО) қарши жангда рақибини биринчи раундда нокаут эвазига мағлубиятга учратганди.
