Ўзбекистон терма жамоаси ҳимоячиси Абдуқодир Ҳусанов Англия Премьер Лигаси 21-туридан ўрин олган “Манчестер Сити” — “Брайтон” учрашувида (1:1) асосий таркибда майдонга тушиб, тўлиқ ҳаракат қилди.
Ҳусанов ўйин давомида 80 марта тўпга тегинди. Футболчи бу вақт ичида жами 71 бор узатма амалга оширган бўлиб, шулардан 66 таси аниқ манзилга етиб борди — 93 фоиз. Sofascore портали футболчининг ҳаракатларини 7,1 балл билан баҳолади.
Абдуқодир Ҳусановнинг ҳимоядаги ҳаракатлари:
Ҳимоявий ҳаракатлар: 6 марта
Фаол кураш орқали тўпни олиб қўйиш: 2 марта (барчаси муваффақиятли)
Рақиб зарбасини тўсиб қолиш: 2 марта
Тозалашлар: 2 марта
Ерда курашлар: 3 марта (барчаси муваффақиятли)
Ҳаводаги курашлар: 1 марта (муваффақиятли)
Вазиятдан фойдаланиб тўпни қайтариб олиш: 7 марта
“Манчестер Сити” аъзоси Райан Шерки учрашувнинг энг яхши футболчиси деб топилди — 7,9 балл. “Брайтон” таркибида эса Каору Митома ўйиннинг энг яхшиси сифатида эътироф этилди. Япониялик футболчи жамоасининг ягона голига муаллифлик қилди ва Sofascore томонидан 7,8 баллга лойиқ кўрилди.
Маълумот учун, “Манчестер Сити” навбатдаги учрашувини Англия Лига Кубоги доирасида “Эксетер Сити” жамоасига қарши майдонга тушади. Учрашув 10-явар куни бўлиб ўтади.
