O‘zbekiston terma jamoasi himoyachisi Abduqodir Husanov Angliya Premyer Ligasi 21-turidan o‘rin olgan “Manchester Siti” — “Brayton” uchrashuvida (1:1) asosiy tarkibda maydonga tushib, to‘liq harakat qildi.

Husanov o‘yin davomida 80 marta to‘pga tegindi. Futbolchi bu vaqt ichida jami 71 bor uzatma amalga oshirgan bo‘lib, shulardan 66 tasi aniq manzilga yetib bordi — 93 foiz. Sofascore portali futbolchining harakatlarini 7,1 ball bilan baholadi.

Abduqodir Husanovning himoyadagi harakatlari:

Himoyaviy harakatlar: 6 marta
Faol kurash orqali to‘pni olib qo‘yish: 2 marta (barchasi muvaffaqiyatli)
Raqib zarbasini to‘sib qolish: 2 marta
Tozalashlar: 2 marta
Yerda kurashlar: 3 marta (barchasi muvaffaqiyatli)
Havodagi kurashlar: 1 marta (muvaffaqiyatli)
Vaziyatdan foydalanib to‘pni qaytarib olish: 7 marta

“Manchester Siti” a’zosi Rayan Sherki uchrashuvning eng yaxshi futbolchisi deb topildi — 7,9 ball. “Brayton” tarkibida esa Kaoru Mitoma o‘yinning eng yaxshisi sifatida e’tirof etildi. Yaponiyalik futbolchi jamoasining yagona goliga mualliflik qildi va Sofascore tomonidan 7,8 ballga loyiq ko‘rildi.

Ma’lumot uchun, “Manchester Siti” navbatdagi uchrashuvini Angliya Liga Kubogi doirasida “Ekseter Siti” jamoasiga qarshi maydonga tushadi. Uchrashuv 10-yavar kuni bo‘lib o‘tadi.