Мадриднинг "Реал" клуби Дортмунднинг "Боруссия" клуби марказий ҳимоячиси Нико Шлоттербекни ўз сафига қўшиб олиш ҳаракатларини кучайтирди. Бу ҳақда Bild хабар бермоқда.
Аввалроқ, "Боруссия" футболчи учун 70 миллион евро олмоқчи экани хабар қилинганди, аммо энди клубнинг иштаҳаси бироз пасайган. Дортмундликлар талабни 50 миллионгача камайтиришга тайёр. Қайд этилишича, футболчининг ўзи "Сантьяго Бернабеу"га ўтишга қарши эмас.
"Қаймоқранглилар" мавсум охирида Давид Алаба ва Антонио Рюдигернинг кетиши кутилаётгани сабабли ҳимояни кучайтиришга муҳтож.
Шлоттербек жорий мавсум 18 та ўйинда майдонга тушиб, 3 та огоҳлантириш олди, 1 та гол урди ва 2 та голли узатмани амалга оширди.
