Madridning "Real" klubi Dortmundning "Borussiya" klubi markaziy himoyachisi Niko Shlotterbekni o‘z safiga qo‘shib olish harakatlarini kuchaytirdi. Bu haqda Bild xabar bermoqda.
Avvalroq, "Borussiya" futbolchi uchun 70 million yevro olmoqchi ekani xabar qilingandi, ammo endi klubning ishtahasi biroz pasaygan. Dortmundliklar talabni 50 milliongacha kamaytirishga tayyor. Qayd etilishicha, futbolchining o‘zi "Santyago Bernabeu"ga o‘tishga qarshi emas.
"Qaymoqranglilar" mavsum oxirida David Alaba va Antonio Ryudigerning ketishi kutilayotgani sababli himoyani kuchaytirishga muhtoj.
Shlotterbek joriy mavsum 18 ta o‘yinda maydonga tushib, 3 ta ogohlantirish oldi, 1 ta gol urdi va 2 ta golli uzatmani amalga oshirdi.
