Испаниянинг Салобрения шаҳрида 11-13 сентябр кунлари 14,16,18 ёшгача бўлганлар орасида рапид ва блиц йўналишидаги шахмат бўйича Жаҳон чемпионати бўлди ўтди.
Унда юртимиз шарафини Турсунова Азиза (Сурхондарё, 2003 йил туғилган) 16 ёшгача бўлган қизлар ёш тоифасида, Мадаминов Муҳиддин (Тошкент, 2006 йил туғилган) эса 14 ёшгача бўлган ўғил болалалар ёш тоифасида қатнашишди.
Куни кеча қайтиб келган шахматчиларимиз орасида Мадаминов Муҳиддин 14 ёшгача бўлганлар орасида тезкор шахматда экс-чемпионт яъни кумуш медалга сазовор бўлди, Турсунова Азиза эса блиц мусобақаларида совриндорлар қаторидан жой олишди.
Ўзбекистон Шахмат федерацияси матбуот хизматининг хабарига кўра, ушбу чемпионатда қатнашиш билан боғлиқ сарф-ҳаражатлар Ўзбекистон Шахмат федерацияси томонидан қопланган.
Шахматчиларимизга ғалабали юришлари давом этишини тилаб қоламиз.
