"Ювентус" футболчиси Криштиану Роналду болалигидаги қийинчиликлар ҳақида гапирди.
"11 ёки 12 ёшимда оилам пул борасида жуда қийналган. Жуда оғир дамлар эди, мен "Спортинг" академиясида яшардим ва уч ой деганда оилам билан учрашардим. Кейин биз стадион рўпарасидаги "Макдоналдс"га бориб, эшикни тақиллатардик. Эшикни ҳар доим Эдна исмли аёл очар, унинг ёнида иккита қиз бўларди. Биз ейишга нимадир борми, деб сўрардик ва у бизга ёрдам берарди. Мен шу аёлни жуда кўп изладим, ҳалиям излаяпман, аммо тополмаяпман. Агар ана шу интервьюни ўқиса, билишини истайманки, мен уни Турин ёки Лиссабонга бирга кечки овқатни тановул қилишга таклиф қилмоқчиман. Қарзимни узишни истайман", деди Роналду "The Sun" нашрига берган интервьюсида.
