Таниқли португалиялик мутахассис Жозе Моуринью Самуэль Это'Онинг умуман энг яхши футболчи деб топилмагани ҳақида гапирди.

"Это’О нега бирор марта ҳам "Олтин тўп"ни қўлга киритмаганини тушунмайман. Унинг карьераси ажойиб. У уч марта Чемпионлар лигаси ғолиби бўлган ва бошқа кўплаб совринларни қўлга киритган. Бир неча йил у дунёнинг энг яхши ҳужумчиси бўлиб келди. Афсуски, ҳеч қачон энг яхшиларга бериладиган совринни қўлга киритмаган", деди 56 ёшли мутахассис.

Эслатиб ўтамиз, Это'О "Интер" ва "Челси" сафида айнан Моуриньо қўл остида тўп сурган. У фаолияти давомида 18 та совринни қўлга киритган, 3 марта терма жамоа билан совринларга эга чиққан.