Дарҳақиқат, Ангилиянинг «Ливепруль» жамоаси ўзининг супер юлдузлари билан доиммо барчанинг эътиборида бўлган десак, адашмаган бўламиз. Ушбу жамоа шарафини ҳимоя қилган Суарез, Стерлинг, Макманаман сингари футболчилар ўз йўлларини топиб кетишган бўлса, айрим футболчилар учун «Ливерпуль»дан кетиш чинакам қоқилиш билан якунланган. Бугун ана шундай футболчилар ҳақида сўз боради.
Майкл Оуэн
Асли Честерлик бўлган болакай бир зумда «Ливерпул» мухлислари томонидан ўзлаштириб олинди. Ёш бўлишига қарамай фантастик тезлик ва совуққон қарорлари билан кўзга ташлана бошлаган футболчи илк мавсумдаёқ АПЛнинг «олтин бутса» совринига эга чиққан эди. Энг қизиғИ шундаки, ўша пайтда Майкл атиги 19 ёшли болакай эди…
«Ливерпуль»га Жерар Улие бош мураббий бўлгач, қаҳрамонимиз 7 йил давомида кетма-кет жамоанинг тўпурар футболчисига айланди ва ҳатто бир маротаба «Олтин тўп»ни қўлга киритишга ҳам муваффақ бўлди.
«Ливерпуль» футболчини жамоада олиб қолишг қанчалар урунган бўлсада, Оуэн «Галалактикос» сафига бориб қўшилади. Ўзининг Мадриддаги илк мавсумида ҳам 16 бор рақиблар дарвозасини ишғол қилган бўлсада ҳужумчи, асосий таркиб футболчиси бўлишни уддалай олмайди. Боз устига "Қироллик клуби" жамоага Робиньо ва Баптисталарни таклиф этгач, Оуен умидини узади ва кейинг мавсумдаёқ АПЛга қайтади. «Тилла бола» қанчалар урунмасин, ҳеч қайси клубда унинг омади келмайди. Ҳатто Сер Алекс ҳам уни «Ливерпуль»даги даражасига кўтара олмайди. Оқибатда, тинимсиз жароҳатлар ва Заҳира ўриндиғидан чарчаган Майкл 33 ёшида ҳаммасига нуқта қўяди.
Фернандо Торрес
«Ливерпуль»да ўзининг энг «гуллаган» даврларини ўтказган Фернандо мухлисларнинг ёқимтойига айланганидан хабарингиз бор. «Ливерпуль» сафидаги бир неча мавсумлардан сўнг футболчи билан Лондоннинг «Челси» клуби жиддий қизиқб қолади ва футболчи борасида таклиф билан чиқади. Аввалига «Ливепруль» таклифни рад этган бўлсада, Торрес ўз трансфери борасида клуб раҳбарларини кўндиради ва 2010/11-йилги мавсумда «Челси» таркибига ўтиб кетади.
Афсуски, Торреснинг Лондон клубига ўтиши, бутун футбол оламидаги энг омадсиз трансферлардан бирига айланади. «Челси» таркибида «элнино» буткул йўқолиб қолади. Кейинчалик «Милан», «Атлетико Мадрид» сингари жамоаларида тўп сурган футболчи ўз даражасига қайтишнинг уддасидан чиқа олмади ва Яқиндагина бутсаларини михга илишга мажбур бўлди.
Пепе Рейна
«Барселона» жамоаси тарбияланувчиси саналадиган Пепе Рейна 2005-йилда “Ливерпуль" сафига келиб қўшилган ва 8 йил давомида жамоанинг асосий дарвозабони бўлганидан хабарингиз бор. Рейна 2013-йилда «Барселона» дарвозабони Виктор Валдез ўз фаолиятини якунлаши ҳақида эълон қилиши билан Рейна «Ливерпуль» раҳбарларига жамоадан кетмоқчи эканлигни билдиради. Оқибатда, клуб мутасаддилари тезлик билан жамоага Миннолени таклиф этишади. Энг қизиғи шундаки, Валдез ўз фикридан қайтади ва Рейна мухлислар кўз ўнгида сотқинга айланади. Боз устига «Ливепруль» янги дарвозабон ҳарид қилган ва Рейнага жамоада ўрин йўқ эди. Янги мавсумни «Наполи»да ижара асосида ўтказган испан ортга қайтганида бельгиялик дарвозабон аллақачон 1-рақамли кипперга айланиб олган эди. Кейинчалик Рейна бир нечта клубларда тўп сурган бўлсада, ҳеcч бирида асосий дарвозабон бўлиш насиб этмади.
Филиппе Коутино
2013-йилда «Интер»да ўзини кўрсата олмаган футболчини ҳарид қилган «Ливерпуль» Коутинони янги даражага олиб чичишга муваффақ бўлди. Гап шундаки, Коутиньо айнан «қизиллар» сафида дунёнинг энг кучли ярим ҳимоячиларидан бирига айланди ва «Барселона» эътиборини тортди. Клопп қанчалар уни жамоада олиб қолишга урунмасин, Коутино Каталонияга катта сумма эвазига ўтиб кетди. Атиги бир мавсум давомида «Барселона»да тўп сурган Коутино умуман ўзига ўхшамай қолди. Ҳозирда «Бавария» сафида фаолиятини тиклашга урунаётган футболчи қанчалар истаса ҳам «Энфилд»даги каби тўп суриши катта сўроқ остида турибди.
Эмре Жан
Юрген Клопп даврида чинакам ўсишга эришган футболчининг ҳам кариераси «Ливерпуль» жамоаси билан чамбарчас боғлиққа ўхшаб бормоқда. «Ливерпуль» жамоаси томнидан таклиф қилинган шартномадан воз кечган Эмре эркин агент сифатида «Ювентус»га ўтиб кетганидан хабарингиз бор. Ўтган мавсумда футболчи Туринда йўқолиб қолмади, лекин бу мавсумда унинг ишлари умуман юришмаяпти. Гап шундаки, «Ювентус»га Сарри келгач, ҳаммаси батамом ўзгариб кетди. Бундан ташқари, ёзда «Юве» Рэмзий ва Рабиоларни таркибга қўшиб олди ва Жан деярли четга чиқиб қолди. Ҳозирда унинг маошини тўлай оладиган бирорта клуб топилмагани боис, ижара асосида бошқа клубга бориб қўшила олмади. Жан янги мавсумда бирорта учрашувда майдонга тушмади ва унинг ҳам кариераси катта савол остида турибди
