"Барселона" ҳужумчиси Лионель Месси "Ювентус" форварди Криштиану Роналду билан ўзаро рақобати хусусида гапирди.
"Кўпчилик бизнинг рақобатимизни футболдан ташқарига чиқиб кетган деб ўйлайди. Аммо ундай эмас. Бу ҳолат узоқ йиллардан буён давом этаётгани боис одамларда шундай тасаввур шаклланиб қолган. Биримиз "Барселона"да ўйнаймиз, биримиз "Реал"да узоқ муддат фаолият олиб бордик. Иккимиз ҳам кўплаб шахсий совринлар ютдик. Иккаламиз ҳам жамоамизнинг энг яхши бўлишини истаймиз ва ютқазишни хоҳламаймиз. Ана шунинг учун кескин рақобат сақланиб қолган. Аммо буларнинг барчаси майдонда қоллиши жуда муҳим", - дея Мессининг сўзларини келтиради Goal.com.
Эслатиб ўтамиз, Месси шахсий совринлар борасида Роналдудан олдинга ўтиб олди. У ФИФА томонидан бериладиган "Олтин тўп" совринини олтинчи маротаба қўлга киритди.
