Ушбу ҳафтада ФИФА «Барселона» ҳужумчиси Лионель Мессига The Best совринини топширди. Аммо кейинчалик ташкилот овозларни сохталаштирганликда айбланди. ФИФА эса бу айбловларни инкор қилиб чиқди.

«ФИФА ва мустақил кузатувчи шуни тасдиқлайдики, барча маълумотлар ҳаққоний ва ўз вақтида расмийлаштирилган овозлар инобатга олинди. Натижаларнинг ҳаққоний эканига шубҳа бўлиши мумкин эмас», – дея баёнот берди ФИФА.

Аввалроқ Никарагуа терма жамоаси Хуан Баррера баёнот бериб, ФИФА унинг овозини сохталаштирганини ҳамда у Мессига овоз бермаганини таъкидлаган эди. Кейинчалик халқаро футбол ассоциациялари федерацияси у томонидан овоз берилган бланкни эълон қилиб, футболчининг даъвоси нотўғри эканини исботлаган эди.

Сўровнома натижасида "Ливерпуль" ҳимоячиси Виржил ван Дейк Мессидан 8 очко ортда қолди.