Жорий йилнинг 28 октябр ва 6 ноябр кунлари Туркиянинг Чорум шаҳрида 16 ёшгача бўлганлар орасида Бутунжаҳон Шахмат олимпиадаси бўлиб ўтади.

Бугун тонгда шахмат бўйича Ўзбекистон терма жамоаси Туркияга жўнаб кетди. Юртимиз шарафини GM Абдусатторов Нодирбек (Тошкент, 2004 туғилган), GM Синдаров Жавохир (Тошкент, 2005 туғилган), FM Касимов Али (Самарқанд, 2003 туғилган), Мадаминов Мухиддин (Тошкент, 2006 туғилган.), WFM Омонова Умида (Сурхондарё, 2006 туғилган)лар ҳимоя қилишади. Жамоа мураббийи ва сардори GM Юлдашев Сайдали.

Ўзбекистон Шахмат федерацияси матбуоти хизмати маълумотига кўра, спортчиларнинг мусобақада қатнашиш ҳаражатларини Рақамли иқтисодиёт қўллаб қувватлаш “Рақамли ишонч” фонди томонидан молиялаштирилган.

16 ёшгача бўлганлар орасида Бутунжаҳон Шахмат олимпиадаси 9 турдан иборат бўлиб, швейцарча тизимда бўлиб ўтади.

Эслатиб ўтамизки, ўтган йилги Бутунжаҳон Шахмат олимпиадасида Ўзбекистон терма жамоаси чемпионликни қўлга киритган эди.