Шимолий Ирландия терма жамоаси бош мураббийи Майкл О’Нил эгаллаб турган лавозимини тарк этади.
Daily Mail нашрининг тарқатган маълумотига қараганда, 50 ёшли мутахассис яқин вақтлар ичида Англиянинг «Сток Сити» клубини қабул қилиб олади.
“Сток Сити” клуби О’Нилнинг Шимолий Ирландия Футбол Ассоциацияси билан тузган шартномасининг бандида келтирилган 650 000 фунт миқдоридаги компенсацияни тўлаб беришга тайёр.
Маълумотда айтилишича, О’Нил Шимолий Ирландия терма жамоасининг Евро-2020 саралаш босқичидаги Голландия ва Германия терма жамоаларига қарши учрашувларни ўтказиб, сўнг Англияга йўл олади.