Бироз аввал Ўзбекистон терма жамоаси ҳамда Саудия Арабистони терма си ўртасидаги ЖЧ-2022 саралаш босқичидан ўрин олган ўйин якунланди. Учрашувдан сўнг Саудия Арабистони бош мураббийи Эвре Ренар матбуот анжуманида қатнашиб саволларга жаовб берди.

“Кеча ўйин қийин бўлади деб айтгандим. Бугун худди шундай ўйин бўлди. Олдиндан буни билгандим. Иккала жамоа ҳам яхши ўйин намойиш этди. Иккинчи бўлимда дарвозамизга белгиланган пеналти бизни қийин аҳволга солиб қўйди. Аммо хурсанд бўлганим ўйинчилармиз шундай қийин вазиятдан чиқиб кета олди. Мағлуб бўлган бўлса-да, рақиб устозини табрикламоқчиман — ажойиб жамоа, ажойиб ўйин. Биз эса қисқа муддат ичида характерига эга жамоани шакллантиришга муваффақ бўлдик.

Иккинчи ва учинчи голга эътибор берилса, уларни индивидуал маҳорат эвазига киритганимиз кўринади. Биз бу ғалабани футболчиларнинг иқтидори эвазига қўлга киритдик деб ҳисоблайман.

Саудия Арабистони чемпионатида легионерлар лимитининг олтитадан тўрттага туширилишини хоҳоаяпман? Ушбу қоида Саудия Лигасида бор. Аммо маҳаллий иқтидорлар ҳам етарли. Мана “Ал-Ҳилол” ҳам Осиё Чемпионлар Лигаси финалида яхши ўйнади. Бироқ легионерлар лимитини ўзгартириш менинг ишим эмас. Бу билан федерация, лига вакиллари, масъул шахслар шуғулланади. Бор эътиборим айни дамда саралаш ўйинларига қаратилган. Асосий ишим — мамлакат бош жамоасини бошқариш. Ҳозир эса биринчи ўриндамиз, буни сақлаб қолишга ҳаракат қиламиз.

Тўғри тўрт кунда йиғилдик, бироқ биз уч ойдан бери тинмасдан ишлаяпмиз. Бу эса етарли вақт дейишимиз. Асосий вазифамиз — кейинги босқичга чиқиш. Кейингиси эса, албатта, Жаҳон Чемпионатига чиқиш. Футболчиларимиз ҳақида гапирадиган бўлсам, масалан, 20 ёшли ҳужумчимиз Фирас ал-Бурайкан мухлисларга кўплигига қарамай жуда яхши ўйин намойиш этди. Ўйинчиларимизнинг ҳаммаси жуда ҳам иқтидорли. Иштиёқ туфайли кучли терма жамоа устидан ғалаба қозондик.