Арманистон Футбол Федерация (АФФ) президенти Артур Ванецян Италия терма жамоасига қарши учрашувда (1:9) учралган йирик мағлубиятдан сўнг, эгаллаб турган лавозимини тарк этди. Бу ҳақда Ванецяннинг ўзи пайшанба куни хабар қилди.
Арманистон миллий хавфсизлик хизмати собиқ раҳбари генерал-майор Ванецян 2018 йилнинг сентябрь ойида АФФ раҳбари этиб сайланганди.
"Мағлубият учун кимдир жавобгар бўлиши керак эди. Мен истеъфога чиқиш бўйича ариза ёздим, ижроқўм буни қабул қилди", - деди Ванецян ТАССга берган интервьюсида.
Ванецян 23 декабрь куни АФФга янги президент сайловлари бўлиб ўтишини қўшимча қилди.