Ушбу мавсумда Ўзбекистондаги барча совринларни «Пахтакор» клуби қўлга киритди. Мавсумга якунлаб берган Ўзбекистон Лига кубогининг финалида Арвеладзе шогирдлари АГМК жамоасига ҳеч қандай имконият қолдирмади.

Тошкентликлар учрашув ҳужумкор бошлаб, тезкор гол уришга муваффақ бўлишди: Сергеевнинг зарбасини олмалиқликлар қайтара олмади. Тайм сўнгида Драган Черан ҳисобдаги фарқни иккитага оширди.

Иккинчи бўлимда Достон Ҳамдамов иккита гол урган бўлса, Черан ҳам ўзининг иккинчи тўпини киритди. Ҳожиакбар Алижонов "Пахтакор"нинг олтинчи голини уришга муваффақ бўлди.

Миржалол Қосимов шогирдлари эса иккинчи таймда рақиб дарвозаси томон икки марта йўл топди.

Шу тариқа, "Пахтакор" Ўзбекистон чемпионлиги ва Ўзбекистон кубогидан кейин ўз ҳисобига Лига кубоги совринини ҳам қўшиб қўйди.

Лига Кубоги, финал
4 декабрь, чоршанба
АГМК — "Пахтакор" - 2:6 (0:2)
Голлар: Жасур Умаров (64), Мурод Тошматов (86) — Игорь Сергеев (5), Драган Черан (42, 67), Достон Ҳамдамов (50, 55), Ҳожиакбар Алижонов (78)
АГМК (5-4-1) — 32.Суҳроб Султонов - 23.Акмал Шораҳмедов, 88.Игорь Зонич, 33.Сардор Раҳмонов, 44.Бобур Йўлдошев, 20.Мирғиёз Сулаймонов - 11.Зоҳир Пиримов, 3.Эркин Байдуллаев, 30.Жасур Умаров - 7.Элгужа Григалашвили - 9.Зафар Полвонов.
Захира: 12.Роман Абдулов, 4.Миржамол Қосимов, 5.Дилшод Жўраев, 8.Санъат Шихов, 15.Жасур Ҳакимов, 17.Мурод Тошматов, 18.Расул Йўлдошев, 77.Владислав Касминин, 99.Шаҳзод Нурматов.
"Пахтакор" (4-2-3-1) — 35.Санжар Қувватов - 3.Хожиакбар Алижонов, 23.Шерзод Аъзамов, 15.Егор Кримец, 34.Фарруҳ Сайфиев - Ҳумоюнмирзо Иминов, 27.Сардор Собирхўжаев - 17.Достон Ҳамдамов, 10.Драган Черан, 9.Жалолиддин Машарипов - 11.Игорь Сергеев.
Захира: 25.Элдорбек Суюнов,  5.Алишер Салимов, 13.Руслан Розиев, 19.Шоҳруҳ Маҳмудҳожиев, 21.Марат Бикмаев, 29.Владимир Козак, 43.Иброҳимҳалил Йўлдошев, 55.Марко Симич, 77.Ҳусниддин Ғофуров.
Ҳакамлар: Илгиз Танташев, Ҳусниддин Шодмонов, Александр Буров, Элёр Турсунов
Назоратчи: Бобур Ҳайдаров.
Тошкент шаҳри, "Пахтакор" стадиони.