Мадриднинг “Реал” жамоаси 2020-йилдаги ўзининг илк трансфери борасида сўнгги қарорни қабул қилди. Унга кўра, жамоа қишки трансфер ойнаси чоғида Голландиянинг “Аякс” клуби ярим ҳимоячиси Дони Ван Де Бекни ўз сафига қўшиб олади.
“De Telegraаf” нашри тарқатган хабарларга кўра, клублар футболчининг трансфер нархи борасида ҳам келишувга эришган. Манба тарқатган маълумотларга қараганда, клуб ярим ҳимоячи учун 55 миллион евродан воз кечади.
Эслатиб ўтамиз, футболчининг хизматларига “Тоттенҳэм” клуби ҳам қизиқиш билдирган эди, лекин футболчининг ўзи ва агенти Мадрид томонидан тушган таклифни афзалроқ топди.
