«Ливерпуль» бош мураббийи Юрген Клопп Европа чемпионлар лигасининг сўнгги турида бўладиган «Зальцбург»га қарши ўйин борасида ўз фикрини билдириб ўтди.

«Ўзимизнинг энг яхши ўйинимизни кўрсатамиз, деб ўйлайман. Икки ҳафта аввал биз қайд этган натижа ("Наполи" билан - 1:1) «Зальцбург»ни хурсанд қилган бўлса керак. Боиси, бизга қарши ўйин австрияликлар учун финалга тенг бўлади. Бу ҳал қилувчи ўйин эканини барча тушуниб турибди. Биз эса бунга тайёрмиз. Мезбонларни фақат ғалаба қаноатлантиради. Аммо бизнинг мақсадларимиз ҳам улкан.

«Энфилд»даги ўйинни биз жуда яхши бошлаб, кейинчалик рақибга эшик очиб берган эдик. «Зальцбург» ундан фойдаланган эди. Бу ажойиб мураббий Жесси Марша бошчилигидаги иқтидорли жамоа. Бу ўйин биз учун мавсумдаги энг муҳим ўйин бўлади.

Холанд? У 19 ёшда, лекин у ажойиб ҳужумчи. Уни тўпдан маҳрум қилишга ҳаракат қиламиз. У жуда иқтидорли йигит. Аммо у «Зальцбург» сафидаги ягона яхши ўйинчи эмас. «Зальцбург» ғалаба қозонса, кейинги босқичга чиқади, аммо биз эса плей-оффга ҳақли эканимизни исботлашимиз керак», — деди Клопп УЕФА матбуот хизматига берган интервьюсида.