«Liverpul» bosh murabbiyi Yurgen Klopp Yevropa chempionlar ligasining so‘nggi turida bo‘ladigan «Zalsburg»ga qarshi o‘yin borasida o‘z fikrini bildirib o‘tdi.

«O‘zimizning eng yaxshi o‘yinimizni ko‘rsatamiz, deb o‘ylayman. Ikki hafta avval biz qayd etgan natija ("Napoli" bilan - 1:1) «Zalsburg»ni xursand qilgan bo‘lsa kerak. Boisi, bizga qarshi o‘yin avstriyaliklar uchun finalga teng bo‘ladi. Bu hal qiluvchi o‘yin ekanini barcha tushunib turibdi. Biz esa bunga tayyormiz. Mezbonlarni faqat g‘alaba qanoatlantiradi. Ammo bizning maqsadlarimiz ham ulkan.

«Enfild»dagi o‘yinni biz juda yaxshi boshlab, keyinchalik raqibga eshik ochib bergan edik. «Zalsburg» undan foydalangan edi. Bu ajoyib murabbiy Jessi Marsha boshchiligidagi iqtidorli jamoa. Bu o‘yin biz uchun mavsumdagi eng muhim o‘yin bo‘ladi.

Xoland? U 19 yoshda, lekin u ajoyib hujumchi. Uni to‘pdan mahrum qilishga harakat qilamiz. U juda iqtidorli yigit. Ammo u «Zalsburg» safidagi yagona yaxshi o‘yinchi emas. «Zalsburg» g‘alaba qozonsa, keyingi bosqichga chiqadi, ammo biz esa pley-offga haqli ekanimizni isbotlashimiz kerak», — dedi Klopp UYEFA matbuot xizmatiga bergan intervyusida.