Топ-5 миллий чемпионатларда қизиқарли ўйинлар бор. Айнан ёрқин афишалар бир вақтга тўғри келиб қолган. Мухлис учун танлов имконияти кенг. Бошқа томондан бундай танлов ёқимсиз ҳам. Ахир барча марказий ўйинларни томоша қилгимиз келади.
Демак, параллель ўтадиган ўйинлар:
А Серия ишқибозлари соат 22:45да бошланажак "Интер" – "Женоа" ўйинига ихтиёр беришлари мумкин. "Нерадзурри" чемпионлик учун курашяпти ахир!
Германияда Юрген Клинсманн бошчилигида ўзига келаётган ва Евролигаларга ўрин учун курашга қўшилаётган "Ҳерта" пешқадамлардан бири "Боруссия" Мёнҳенгладбах билан куч синашади. 1-давранинг сўнгги тури кўп нарсага ойдинлик киритса не ажаб. Ўйин 22:30да бошланади.
Англияда турнинг марказий ўйини бор. "Ливерпуль"дан кейинги жамоага айланиб олган, шиддатли футбол намойиш этаётган "Лестер Сити" бу турда "Манчестер Сити"нинг чемпионлик курашига қайтиш-қайтмаслигини аниқлаб беради. Старт 22:30да.
Юқоридагилар-ку миллий чемпионатлар тур ўйинлари. Бироқ бугун яна бир ўйин борки, жаҳоннинг энг кучли клубини аниқлаб беради. Клублар ўртасидаги ЖЧ финали Лотин Америкаси ва Европанинг азалий қарама-қаршилигининг яна бир сахифасидир. Кўҳна қитъада тенгсиз бўлган "Ливерпуль" Жанубий Америкада биринчи рақамли жамоа бўла олган "Фламенго" билан чемпионлик соврини учун курашадилар. Ана шу суперматч ҳам 22:30 бошланиши режаланган.
Хўш, Сиз деярли бир вақтда бошланажак ўйинларнинг қай бирини тўғридан тўғри томоша қиласиз?
Камина Клублар ўртасидаги Жаҳон чемпионати финалини шарҳлайман. Ва табиийки, ана шу ўйинни томоша қилишга ташвиқот қиламан. Ахир бу финал!
Спорт телеканалида 22:30да учрашамиз, насиб бўлса!
Ливерпуль (Англия) – Фламенго (Бразилия)
SportTV. 22:30. LIVE!
