Ўзбекистон ва Австралиянинг 23 ёшгача бўлган терма жамоаларининг ушбу авлоди бундан 4 йил аввал тўқнаш келишган эди.

2016 йили Баҳрайнда бўлиб ўтган 19 ёшгача бўлган футболчилар ўртасидаги Осиё чемпионати гуруҳ босқичи доирасида ушбу жамоалар ўзаро тўқнаш келишган эди. 18 октябрь куни бўлиб ўтган 2-тур баҳсида Жасур Абдураимов жамоаси 3:2 ҳисобида ғалаба қозонган эди. Жамоамиз биринчи бўлимда Абдухолиқов ва Ибрагимов иккита гол урган бўлса, Достон иккинчи бўлим бошида Ўзбекистоннинг учинчи тўпини киритган. Қолган дақиқаларда "соккеруз" пенальтидан иккита гол урган.

Маълумот ўрнида. Ўзбекистон U19 терма жамоаси ўша қитъа чемпионатида "D" гуруҳи 7 очко билан 1-ўринни эгаллаб, чорак финалга чиққан. Аммо чорак финалда Эронга имкониятни бой берган.

Австралияга қарши ўйинда қатнашган футбочлиларнинг 8 нафари ҳозирда олимпия терма жамоамиз билан Таиланддаги мусобақага ташриф буюрган. Австралиянинг эса ўша таркибда фақат 2 футболчиси қитъа чемпионатида иштирок этмоқда.

AFC U19. Гуруҳ босқичи, 2-тур
Ўзбекистон U19 - Австралия U19 - 3:2
Голлар: Бобур Абдухолиқов (29'), Достон Ибрагимов (40', 46') — Лиам Юли (63'-пен.), Тарик Майя (90+3'-пен.)
Четлатиш: Исломжон Қобилов (56, иккинчи сариқ карточка)
Ўзбекистон: Умиджон Ҳамроев, Ҳожиакбар Алижонов, Исломжон Қобилов (56), Хушнудбек Авилов, Азизжон Ғаниев, Жасурбек Яхшибоев (Сайиджамол Давлатжонов 84), Бобур Абдухоликов (Жавоҳир Эсонқулов, 69), Шароф Муҳиддинов, Ойбек Рустамов, Жамшид Юсупов, Достон Ибрагимов (Шоҳруҳ Маҳмудҳожиев 82)
Австралия: Уильям Муч, Томас Денг, Жексон Бандиера, Лиам Роуз (Энтони Калик, 46), Марио Шабоу, Томас Гловер, Жорж Блэквуд, Жозеф Чампнесс, Стив Кузмановский (Жейден Прасад 16), Жорж Тимотеу (Тарик Майя 67), Лиам Юлли