"Реал" бош мураббийи Зинедин Зидан Ла Лиганинг 24-турида "Сельта"га қарши ўйинда ярим ҳимоячи Эден Азарни жароҳатдан кейин ўйнашга тайёрлиги ҳақида гапирди.
"Азар қанчалик муҳимлигини ҳамма билади ва шунинг учун биз у билан шартнома имзоладик. У ажойиб ўйинчи. Унинг қайтганидан жуда хурсандмиз.
Азар 3 ой давомида ўйнамади ва бу осон эмас. Жисмоний жиҳатдан у бутунлай соғлом ва ўйнашга тайёр, аммо барчаси ўйин ва унинг темпига боғлиқ.
У бизга қандай ёрдам беришини биламиз. Уни жароҳати туфайли уч ой давомида йўқотиш жуда қийин эди. У сафга қайтганидан хурсанд.
Албатта, унга вақт керак ва биз унинг юз фоиз қайтишга тайёрлигига ишонч ҳосил қилдик. У эртага ўйнашга тайёр », - деди Зидан.
