Европа чемпионлар лигасининг нимчорак финал босқичи доирасида яна 2та ўйин бўлиб ўтди. «Аталанта» ўз майдонида «Валенсия»ни қабул қилиб, йирик ҳисобда ғалаба қозонди.

Бергамоликлар томонидан йўлланган ҳар бир зарба голга айланган бўлса, валенсияликлар учрашув давомида камида 3та вазиятдан фойдалана олишмади. Италияликлар биринчи бўлимда иккита, иккинчи таймда 2та гол уришга муваффақ бўлишди.

Баҳс тугашига 25 дақиқа қолганида Денис Черишев ҳимоячиларнинг хатосидан фойдаланиб, битта жавоб тўпига муаллифлик қилди. Орадан кўп ўтмасдан россиялик ярим ҳимоячининг яқин масофадан йўллаган зарбасини мезбонлар посбони қайтаришга муваффақ бўлди.

Шу тариқа, "Аталанта" клуби жавоб ўйини олдидан чорак финалга чиқиш учун яхши имкониятга эга бўлиб олди.

Европа чемпионлар лигаси, 1/8 финал, дастлабки ўйин
Аталанта Италия – Валенсия Испания 4:1 (2:0, 2:1)
Голлар: 1:0 – 16 Хатебур, 2:0 – 42 Иличич, 3:0 – 57 Фройлер, 4:0 – 62 Хатебур, 4:1 – 66 Черишев.
Аталанта – Голлини, Хатебур, Госенс, Толои, Кальдара (Сапата, 75), Гомес (Малиновский, 81), Фройлер, Пашалич (Тамез, 90), де Рон, Иличич, Паломино.
Валенсия – Доменек, Гайя, Диакаби, Мангаля, Васс, Солер, Кондогбиа, Ферран Торрес, Парехо, Гедеш (Черишев, 64), Макси Гомес (Гамейро, 73).
Огоҳлантириш: Хатебур (79).