Yevropa chempionlar ligasining nimchorak final bosqichi doirasida yana 2ta o‘yin bo‘lib o‘tdi. «Atalanta» o‘z maydonida «Valensiya»ni qabul qilib, yirik hisobda g‘alaba qozondi.

Bergamoliklar tomonidan yo‘llangan har bir zarba golga aylangan bo‘lsa, valensiyaliklar uchrashuv davomida kamida 3ta vaziyatdan foydalana olishmadi. Italiyaliklar birinchi bo‘limda ikkita, ikkinchi taymda 2ta gol urishga muvaffaq bo‘lishdi.

Bahs tugashiga 25 daqiqa qolganida Denis Cherishev himoyachilarning xatosidan foydalanib, bitta javob to‘piga mualliflik qildi. Oradan ko‘p o‘tmasdan rossiyalik yarim himoyachining yaqin masofadan yo‘llagan zarbasini mezbonlar posboni qaytarishga muvaffaq bo‘ldi.

Shu tariqa, "Atalanta" klubi javob o‘yini oldidan chorak finalga chiqish uchun yaxshi imkoniyatga ega bo‘lib oldi.

Yevropa chempionlar ligasi, 1/8 final, dastlabki o‘yin
Atalanta Italiya – Valensiya Ispaniya 4:1 (2:0, 2:1)
Gollar: 1:0 – 16 Xatebur, 2:0 – 42 Ilichich, 3:0 – 57 Froyler, 4:0 – 62 Xatebur, 4:1 – 66 Cherishev.
Atalanta – Gollini, Xatebur, Gosens, Toloi, Kaldara (Sapata, 75), Gomes (Malinovskiy, 81), Froyler, Pashalich (Tamez, 90), de Ron, Ilichich, Palomino.
Valensiya – Domenek, Gayya, Diakabi, Mangalya, Vass, Soler, Kondogbia, Ferran Torres, Parexo, Gedesh (Cherishev, 64), Maksi Gomes (Gameyro, 73).
Ogohlantirish: Xatebur (79).