Англиянинг "Манчестер Сити" клуби бош мураббийи Хосеп Гвардиола Каталониянинг "Барселона" клуби президенти Жозеп Бартомеуга кескин жавоб қайтарди.
Аввалроқ, “Барселона” клуби раҳбари “Манчестер Сити”ни икки йилги ЕЧЛдан четлатган УЕФАга миннатдорчилик билдирганди.
"Агар бизнинг дисквалификациямиздан "Барселона"дагилар хурсанд бўлаётган бўлса, у ҳолда мен жаноб Бартомеуга апелляция беришга тайёргарлик кўраётганимизни эслатиб қўймоқчиман. Мен "Барселона"га баланд овозда гапирмаслигини маслаҳат бераман, чунки барча ҳар хил вазиятга тушиб қолади. Умид қиламанки, қабул қилинган қарор ўзгаради ва келажакда "Барселона"га қарши ЕЧЛда ўйнаймиз, - Гвардиоланинг сўзларидан иқтибос келтирмоқда Sky Sports.
