Англия терма жамоаси собиқ бош мураббийи Сэм Эллардайс Мадриднинг «Атлетико» клуби бош мураббийи Диего Симеоне агар АПЛда ишлаганида нима бўлиши мумкинлиги ҳақида гапирди.
«Англияда ҳимоявий футбол намойиш этиш мумкин эмас. Симеонени АПЛда бундай ўйин намойиш этгани учун ўлдириб юборишарди. Агар сиз мамлакатда бундай ўйин намойиш этсангиз, кескин танқид остида қоласиз.
Симеоне ҳимоявий ўйин кўрсатиш борасида ажойиб мураббий саналади. Бироқ, у ўзининг ушбу тактикаси билан ижобий натижага эришган бўлсада, Англияда бу учун танқид остида қоларди.
Ҳимоя — бу санъат. У тўпга эгалик қилишдан ҳам муҳимроқ. Агар сизнинг жамоангиз тўп билан яхши муомилада бўлмаса, у ҳолда сиз ўйинда ғалаба қозона олмайсиз, агар сиз ғалаба қозона олмасангиз, у ҳолда якунда ишсиз қоласиз».