Голландиянинг «Аякс» клуби бош мураббийи Эрик тен Хаг Европа Лигаси доирасида «Хетафе» (0:2) клубига қарши бўлиб ўтган учрашув ҳақидаги фикрлари билан ўртоқлашди.

«Биз бу стадионда биринчи марта ютқазмаяпмиз. Аммо шу билан бирга биз янада юқори футбол ўйин намойиш этишга қодир эканлигимизни биламиз. Учрашувнинг сўнгги дақиқаларида яхши ўйин намойиш этдик.

Муаммо шундаки, бундай юқори савиядаги ўйинларда бундай майда хатолар йўлга қўйилмаслиги керак. Агар бундай хато қилсангиз рақиб албатта сизни кечирмайди.

«Хетафе» клубига ўзимиз имконият яратиб берганимизни тушуниб турибмиз. Қаерда қандай ўйнаш кераклигини тушуниш учун бизда етарли тажриба бор. Энди ўз имкониятимизни уйдаги жавоб учрашувида излаймиз», — деди Эрик тен Хаг.