Лондоннинг “Тоттенхэм” клуби бош мураббийи Жозе Моуриньонинг айтишича, иккита ҳужумчининг сафдан чиққани инобатга олинган ҳолда, “Тоттенхэм” мавсумни тўртинчи ўрин билан якунласа ажойиб натижа бўлади.
"4-ўрин яхши натижами? Таркибдаги муаммоларни инобатга олган ҳолда, тўртинчи ўрин ажойиб натижа бўлади. Бизда муаммолар бор. Такрор айтаман, йигитлар тўртинчи ўринни қўлга киритиш имкониятини яратиб жуда яхши иш қилишди. Лекин шундай бўлсада вазиятимиз барибир оғир. Кимдир АПЛда ёки Европада худди шундай муаммони бошдан кечиряпти деб ўйламайман.
“Тоттенхэм”нинг кўп голларида Сон ва Кейнлар муаллифлик қилишган, аммо биз кўплаб учрашувларни уларсиз ўтказишга мажбурмиз. Агар бир мавсумни кучли тўртликда якунласак, бу ажойиб натижа саналади", - Моуриньонинг сўзларидан иқтибос келтирмоқда The Guardian.
