Каталониянинг «Барселона» клуби бош мураббийи Кике Сетьен  «Эйбар» клубига қарши бўлиб ўтган учрашувдан кейинги фикрлари билан ўртоқлашди.

«Бугун барча ўйлаган режаларимиз амалга оширдик ва танаффусга қадар учта гол киритишга эришдик. Бу бизни хотиржам қилди ва кейин нималар кутаётганини ўйлаш учун имкон яратди.

Месси? Лионель 14 ёки 15 йилдан бери шундай ўйнаб келмоқда ва шундай ўйин кўрсатишда давом этади. Факт шундаки, унинг майдондалиги доим сезилади. Агар у гол урмаса, у ҳолда голли пас узатади. Мана нима учун у дунёнинг энг яхши футболчиси. У бошқалар амалга ошира олмайдиган ишларни қилмоқда», - Сетьеннинг сўзларидан иқтибос келтирмоқда Marca.